1. Прескокни до содржината
  2. Прескокни до главната навигација
  3. Кон други страници на DW

Трамп обвинува за „лов на вештерки“

СН/ дв
30 октомври 2017

Американскиот претседател Доналд Трамп повторно остро ја критикуваше истрагата за можните врски на неговите помошници во претседателската кампања со Русија.

https://p.dw.com/p/2mjUW
USA Präsident Donald Trump
Фотографија: Getty Images/A. Wong

Претседателот на САД објави огромен број пораки на социјалната мрежа Твитер за неговата противкандидатка Хилари Клинтон и за Демократската партија. Реакцијата на Трамп следуваше по објавувањето на информациите дека е издаден прв налог за апсење и обвинение против нeименувано лице во истрагата за мешањето на Русија во изборниот циклус во САД, при што Москва му помогнала токму на Трамп да ја победи Клинтон. Трамп тврди оти обвинувањата за заговор меѓу неговата кампања и Русија се смешни и станува збор за „лов на вештерки".

USA Vorwahlen Bildkombo Donald Trump Hillary Clinton
Фотографија: Reuters/D. Becker/N. Wiechec

Тој се обиде вината да ѝ ја префрли на Клинтон, тврдејќи дека има причина да се истражи нејзината улога и оти републиканците стојат обединети зад него... „Целата приказна за Русија доаѓа во момент кога републиканците прават историски чекор кон даночната реформа. Дали е тоа случајно? Не!“, напиша Трамп.

Американските разузнувачки агенции порано утврдија дека руската влада имала намера да му помогне на Трамп да победи на изборите. Но, истрагата е насочена кон проверка дали имало заедничко делување на кампањата за претседател и Русија.

И Москва и Трамп ги отфрлија овие тврдења. Досега се објавени информации за контакти на блиски личности на Трамп со руски официјални претставници.