1. Прескокни до содржината
  2. Прескокни до главната навигација
  3. Кон други страници на DW

Путин: Можен референдум за враќање на Сталинград

Александар Методијев/ап/бета7 јуни 2014

Претседателот на Русија Владимир Путин изјави дека постои можност за одржување референдум на кој ќе се одлучува за менување на името на Волгоград. На тој референдум граѓаните треба да гласаат за враќање на Сталинград.

https://p.dw.com/p/1CEDK
Фотографија: Reuters

Можноста за одржување референдум Путин ја најави вчера (6.06.), одговарајќи на прашање на еден воен ветеран на маргините на одбележувањето на 70-годишнината од почетокот на истоварувањето на сојузничките сили во Нормандија, Франција.

Сталинград, каде нацистичка Германија го доживеа најголемиот пораз од советската војска во Втората светска војна, го доби името Волгоград во 1961 година. Советскиот сојуз одбиваше да се создава личен култ од диктаторот Јосиф Сталин.

Кај локалното население се појавија различни реакции кога локалните власти минатата година одлучија да го користат старото име на градот во натписите поврзани со војната. Името на Сталин и натаму е спорно за многу Руси.

Советската победа кај Сталинград претставува пресвртница во најголемиот воен судир во историјата.