Први мини победи за Трамп и за Клинтон

Избирачите во три мали места во сојузната држава Њу Хемпшир први го дадоа својот глас на претседателските избори во САД,, веднаш по полноќ по локално време. Кандидатот на Репубиканската партија Доналд Трамп ја победи Хилари Клинтон во вкупниот број освоени гласови со 32 спрема 25, додека кандидатката на демократите може да се пофали со победа во две од трите места во Њу Хемпшир.

Припадниците на седмата сила беа во далку поголем број од вкупно осумте избирачи во Диксвил Ноч каде традицијата за гласање на претседателските избори  веднаш по полноќ и непосредно објавување на резултатите трае од 60-те години на минатиот век. Законот на Њу Хемпшир им овозможува на местата со помалку од 100 жители да ги отворат своите избирачки места веднаш по полноќ, што стана традиција на која мештаните се горди.

Хилари Клинтон го победи Доналд Трамп со четири гласа спрема два на гласањето во Диксвил Ноч. Таа истотака извојува победа од 17:14 во освоени гласови во Харц Локејшн, место со 40 жители.

Но победата на Доналд Трамп во местото Милсфилд беше далеку поубедлива. Тој освои 16 гласови додека Клинтон само 4.