Зошто мажите почесто заболуваат од Ковид-19 од жените

Резултатите од студијата, објавени во медицинскиот часопис European Heart Journal, покажуваат дека крвта на мажите, во споредба со жените, содржи повисока вредност на еден клучен ензим под име АЦЕ2 (ACE2). Според медицинската студија, на коронавирусот му е потребен овој ензим за да може да продре во клетките, да се размножи и да премине во белите дробови. Лековите, кои претставуваат блокатори на АЦЕ и се препишуваат при постоење на срцева слабост, дијабетис или заболувања на бубрезите, според испитувањатаизвршени во текот на студијата, не водат кон зголемена концентрација на АЦЕ2. Оттаму, пациентите кои се зависни од овие медикаменти, не се изложени на зголемен ризик од заболување од Ковид-19.