Жртви во пожар во висококатница на Хаваи

Во станбен комплекс од 36 ката во најголемиот хавајски град Хонолулу во американската сојузна држава Хаваи, избувнал пожар, во кој загинале најмалку три лица, а дванаесет се повредени, четворица се во тешка состојба, од кои еден пожарникар. Зградата во меѓувреме е евакуирана, иако Црвениот крст стравува во некој од становите сепак да останале луѓе. Пожарот избил во петокот попладнето по локално време на 26-от кат. Таму се најдени и трите жртви. Огнот потоа се проширил на уште најмалку два ката во зградата.

Пожарникарите имале тешкотии да го стават огнот под контрола. Во зградата воопшто немало инсталирано приклучоци за вода за гаснење пожар. Станбениот комплекс со 568 станови бил изграден во 1971. година.

Пожарот потсетува на оној од катастрофални размери кој се случи во Лондон во Гренфел кулата во средината на јуни, кога животот го загубија најмалку 80 лица.