Германија со рекорден број жители

Бројот на жители на Германија повторно расте и тоа благодарение на натпросечниот прилив на доселеници. Според податоците на Сојузниот уред за статистика од Визбаден, на крајот на 2016-та годна во земјата живееле 600.000 луѓе повеќе отколку во истиот период во годината пред тоа. Доколку овие, засега непотврдени, проценки се потврдат, бројот на населението во Германија достигнал нов рекорд. Претходниот рекорд датира од 2002 година, кога во земјата живееле 82,5 милиони луѓе.

Сојузниот уред за статистика проценува дека разликата меѓу новодоселените и отселените во странство изнесува најмалку 750.000 луѓе. Истовремено, меѓутоа, во Германија умираат повеќе луѓе отколку што се раѓаат. За 2016. година статистиката вели дека имало околу 770.000 новородени и 940.000 починати лица. Оттука произлегува т.н. дефицит на раѓање од 190.000 лица.

Статистичарите меѓутоа објаснуваат дека проценката на развојот на населението за 2016. година е поврзана со поголема несигурност отколку во претходните години. Поради примена на нова статистичка постапка, голем дел од наводите кои се вообичаени, сега ги нема.