За граѓаните на Европска унија, набрзо по официјалната дозвола за пуштање во употреба, на располагање би требало да им биде вакцината против коронавирусот, која заеднички ја развија фирмите „Бионтек“ и „Фајзер“.
Како што објави германската новинска агенција ДПА, повикувајќи се на информации од Еврокомисијата во Брисел, договорот со двете фармацевтски компании е готов. Веќе денеска Европската комисија има намера да го склучи договорот за испорака со производителот на вакцини во Мајнц, „Бионтек“ и нејзиниот американски партнер „Фајзер“, за до 300 милиони дози на вакцини, најави претседателката на Комисијата на ЕУ, Урсула фон дер Лајен. „Ова е најперспективната вакцина досега“, рече таа во Брисел.
Најветувачката вакцина
Претходно политичарот од германската Христијанско-демократска унија и лидер на Народната партија во Европскиот парламент, Манфред Вебер, најави „скоро потпишување на договорот“.
На почетокот на неделата двете фирми претставија ветувачки резултати од испитувањето кои покажаа 90 процентна ефикасност на вакцината БНТ162бт во одбрана од вирусот Ковид-19 и многу ниско ниво на нуспојави. За целосен имунитет протребно е да се примат две дози од вакцината.
Повеќе:
-Вакцината против коронавирус на „Фајзер“ e 90% ефикасна
-Германија: Кој, кога и како ќе биде вакциниран против коронавирус
-Ковид-19 и (не)фер распределбата на вакцината ширум светот
Предвидено е сите 27 земји членки на ЕУ истовремено да примат испораки на вакцината. Германија, како што вели министерот за здравство Јенс Шпан, како голем фармацевтски пазар би можела сама да склучи договор, но Берлин, заедно со Франција, Италија и Холандија, силно се залагале за тоа да се преговара на ниво на Европската комисија, бидејќи така и помалите земји во ЕУ ќе имаат подобри услови кога е во прашање пристапот до вакцината.
-
Држење дистанца- креативно!
Љубов на далечината
Да се оствари пријатно познанство или да се флертува со убава девојка или убаво момче седејќи на клупа? Зошто да не! Само не заборавајте да држите дистанца. Оваа клупа укажува дури и колкава.
-
Држење дистанца- креативно!
Мечиња на маса
Во моментов, во многу ресторани во Германија, на секоја втора маса има натпис „Ве молам, не седнувајте“. Сопственикот на ресторанот „Beef'n Beer“ во Хофхајм на Таунус го решил овој проблемот духовито: на секоја маса на која не треба да се седи ставил плишни мечиња.
-
Држење дистанца- креативно!
Во друштво на кралицата
Ресторанот „Клостервирт“ во центарот на Минхен избра друга опција. Од 25 мај тука можете да вечерате со британската кралица и со други светски познати личности. Големи фотографии од нив „седат“ на масите кои треба да останат празни.
-
Држење дистанца- креативно!
Максималната шапка на Максима
Шапката со широк обод ќе ви помогне да држите дистанца со стил. Каква што е, на пример, оваа шапка на кралицата на Холандија Максима. Иако е пожелно таа да биде уште поголема.
-
Држење дистанца- креативно!
Разреден аудиториум
Драмскиот театар „Берлински Ансанбл“ во германската престолнина се подготвува повторно да ја пречека публиката. Но, сè уште не во целост. За идните настапи одлучија значително да ги „разредат“ редовите со места за гледачите.
-
Држење дистанца- креативно!
Во својот круг
За да не се преполнат одморалиштата во парковите и тревниците, властите во германскиот градХајделберг решија да исцртаат кругови на тревата со креда. Ем безбедно, ем сите спокојни.
-
Држење дистанца- креативно!
Куче со елизабетанска јака
И сопственикот носи маска, и кучето е заштитено со јака, која им е позната на многу љубители на кучиња и пред пандемијата на коронавирусот. Се нарекува ветеринарна или елизабетанска јака или конус. И сопственикот може да носи нешто слично (ако сака!).
-
Држење дистанца- креативно!
Плисирани здолништа
Овие меки здолништа (добро, можеби малку потесни) се носеа во ерата на англиската кралица Елизабета I. Со нив, растојанието е загарантирано!
-
Држење дистанца- креативно!
Држете го клунот на растојание
Ова е маска од познатиот карневал во Келн. Слични се носеле уште во Средниот век. Но, тогаш се верувало оти со нив се заштитувале од чума. Сега - од коронавирусот.
Забрзан процес за добивање дозвола за употреба во САД
Меѓутоа, властите сѐ уште ги немаат издадено потребните дозволи за пуштање на вакцината во промет. „Бионтек“ и „Фајзер“ најавија дека веќе наредната недела во САД сакаат да започнат постапка за забрзано добивање на дозволата.
Германскиот министер Шпан потсетува оти процедурата за издавање на дозвола за лекови во ЕУ и во САД е различна.
Поинаку во ЕУ е тоа што сега не се собираат сите релевантни податоци па дури потоа да се тргне во процес на проверка на исполнетите услови за издавање на дозволата, туку овој процес ќе се случува паралелно. Значи, „Бионтек“ и „Фајзер“ се во постојан контакт со државните установи, што го забрзува поцесот.
-
Пет совети за подобро физичко и ментално здравје во корона-кризата
Здрава исхрана
Докажано е дека здравата исхрана го намалува ризикот од хронични болести како што се проблемите со циркулацијата, дијабетисот или со дебелината. Исто така, со здрава исхрана се намалува и ризикот од депресија и од анксиозност. СЗО потсетува - но тоа важи и без пандемија - дека треба да се остават алкохолот, цигарите и сите останати дроги
-
Пет совети за подобро физичко и ментално здравје во корона-кризата
Добар сон
Додека спиеме, телото вредно работи: келиите се обновуваат, се отстрануваат отровите, се зацврстува помнењето. Како што покажаа истражувањата, недостатокот на сон влијае не само на физичката состојба, туку и на психичката. Недостатокот на сон нѐ прави поподложни на хронични болести. На поголемот број луѓе им се доволни 6 до 9 часа сон, но важно е да се спие во одреден ритам.
-
Пет совети за подобро физичко и ментално здравје во корона-кризата
Движење и вежбање
Движењето го исполнува телото со „хормоните на среќа“. Тоа овозможува подобро спиење, ги намалува стресот и стравовите, го зајакнува помнењето. Движење и спорт, па макар и дома - најмалку 30 минути дневно. Тренерите велат дека не важно како ќе ги поделите тие минимални 30 минути - можеби по 10 минути наутро, напладне и навечер? Кога можете излезете на свеж воздух.
-
Пет совети за подобро физичко и ментално здравје во корона-кризата
Одржување на контактите
Пријателите во овој период на социјална изолација поради коронавирусот се поважни од кога било. Социјалните мрежи се докажано добри за здравјето. Бидејќи излегувањата и собирите сега не се можни, речиси сѐ се одвива на интернет. Но, подобро така отколку никако.
-
Пет совети за подобро физичко и ментално здравје во корона-кризата
Исклучете се
Изолацијата можеби е шанса да се заборави на светот и на надворешните вести. Размислите, што сакате веќе подолго да направите но никако не стигнувате? Нешто во градината, да испробате нов рецепт, да научите да плетете, да прочитате некоја книга која веќе подолго ве гледа обвинувачки од полицата? Сега е идеално време за тоа.
Автор: СН/дв
