Шпанскиот премиер, Педро Санчез, денеска изјави дека „реалната бројка“ на заразени со коронавирусот во Шпанија е поголема од 3 милиона, наспроти официјалниот број на инфекции кој неделава надмина еден милион
Во телевизиско обраќање, Санчез истакна дека проекциите на националната студија за антитела покажуваат дека реалната вкупна бројка на случаи на Ковид-19 е трипати поголема.
Санчез истакна дека здравствениот систем на земјата е подобро подготвен отколку при првиот бран на епидемијата. Но, без оглед на тоа, апелираше шпанскиот премиер, треба да се стори повеќе за да се запре ширењето на вирусот.
Повеќе:
-Зошто Шпанија е „плодно тло“ за коронавирусот
-Зошто здравствениот систем на Шпанија потклекна пред коронавирусот?
-Шпанија се прости од своите 28.400 корона-жртви
Властите во Мадрид денеска најавија воведување на забрана за собирање меѓу полноќ и шест часот наутро за да се сузбие епидемијата на коронавирусот. Забраната треба да стапи на сила утре, а неколку други шпански региони сакаат да воведат полициски час.
-
Коронавирус: Кога маката ќе те направи инвентивен
Добар апетит на вечера во стакленик
Конечно може да се отиде некаде на вечера: рестораните се повторно отворени по повеќе недели пауза. Во Културниот центар Медиаматик во Амстердам гостите можат да јадат во мали „оранжерии“, стаклени куќички, добро заштитени од ветар, временски прилики и коронавирусот кој евентуално може да им го пренесат други посетители. Концептот има добар прием, до крајот на јуни се резервирани сите маси.
-
Коронавирус: Кога маката ќе те направи инвентивен
Во ресторан со стаклена преграда на масите
Во многу ресторани пак на масите се поставува стаклена преграда, како оваа во „Гага кафе“ во Милано. Гостите при јадењето се заштитени од останатите со вграден плексиглас и од поторот меѓу масите, заради намалување на опасноста од инфекција. Заштитна маска сепак е обврска, барем додека не се јаде.
-
Коронавирус: Кога маката ќе те направи инвентивен
Фризерски салони со заштита
Посебни правила во време на пандемијата на коронавирус важат и во фризерските салони. Заштитни маски за уста за фризерите и муштериите, и овде мијалниците се одделени со стаклена преграда. Нема веќе кафе додека се чека во салонот, долго задржување е табу. На муштериите ионака им е важно само повторно да имаат добра фризура.
-
Коронавирус: Кога маката ќе те направи инвентивен
Судбоносното „да“ пред гостите во автомобили
Кој вели дека свадбите во време на корона мора да бидат без гости? Во едно автокино во Диселдорф младенците склопија брак додека гостите ја следеа церемонијата ѕиркајќи преку шофершајбните од нивните автомобили. На крајот на венчавката следеше бучно свирење со автомобилските сирени. Ова беше прва германска свадба во автокино.
-
Коронавирус: Кога маката ќе те направи инвентивен
„Црни острови“ во канцеларијата
Вака би можело да изгледа бирото на иднината: црни обележани простори на подот покажуваат колку можете да им се приближите на колегите, без да го прекршите правилото за дистанца од два метри. Преградите од плексиглас зад мониторите даваат дополнителна заштита. Но, за оваа визија на „футуристичката канцеларија“ од една филијала во Амстердам е потребно пред сё едно - многу простор.
-
Коронавирус: Кога маката ќе те направи инвентивен
Ред при чекањето
Не само во затворен простор, туку луѓето и надвор во идните месеци мора да држат меѓусебно растојание. На станица на метрото во францускиот град Ница стапалките во кругови покажуваат каде смеат да стојат патниците кои чекаат. Слични примери има низ цел свет. Но, и на ваков начин не може да се спречи турканица при влегувањето.
-
Коронавирус: Кога маката ќе те направи инвентивен
Едносмерно движење
И во трговските улици во Данска луѓето треба да се движат по определени правила. Исто како и во автомобилскиот сообраќај, во Аалбог важи и за пешаците - секогаш движи се на десната страна. Целта е така да се избегнат премногу блиски средби. Дали тоа навистина функционира, барем на прв поглед, според оваа фотографија, е сомнително.
-
Коронавирус: Кога маката ќе те направи инвентивен
Живот во шише
Во густо населениот Хонгконг, некои луѓе со пресечено пластично шише не само што се погрижуваат за држење физичка дистанца, туку обезбедуваат и целосна заштита на лицето од евентуални капки кои содржат вирус. Мора да се признае, не изгледа баш удобно, но барем е евтин пронајдок.
-
Коронавирус: Кога маката ќе те направи инвентивен
Направа за отворање врата
Држење физичко растојание е едно, избегнување инфекција преку површини е друго. Многу луѓе при влегувањето во лекарски ординации или јавни тоалети затоа ја отвораат вратата со лакт, но постои и нешто подобро. Овој „отворач на врати“ го решава проблемот, барем така тврди производителот.
Автор: Стефани Хепнер
Баровите и рестораните во Мадрид ќе мораат да се затворат од 24 часот, а последните гости ќе можат да ги примат до 23 часот.
Шпанија на 21 октомври соопшти дека го преминала прагот од милион заразени со коронавирусот. Во земјата во последните 24 часа се пријавени20.986 нови инфекции на коронавирусот.
Со околу 47 милиони жители, Шпанија е шеста земја во светот која ја надмина бројката од еден милион заразени, по САД, Индија, Бразил, Русија и Аргентина, а е прва членка на ЕУ со толку голем број на заразени.
-
Држење дистанца- креативно!
Љубов на далечината
Да се оствари пријатно познанство или да се флертува со убава девојка или убаво момче седејќи на клупа? Зошто да не! Само не заборавајте да држите дистанца. Оваа клупа укажува дури и колкава.
-
Држење дистанца- креативно!
Мечиња на маса
Во моментов, во многу ресторани во Германија, на секоја втора маса има натпис „Ве молам, не седнувајте“. Сопственикот на ресторанот „Beef'n Beer“ во Хофхајм на Таунус го решил овој проблемот духовито: на секоја маса на која не треба да се седи ставил плишни мечиња.
-
Држење дистанца- креативно!
Во друштво на кралицата
Ресторанот „Клостервирт“ во центарот на Минхен избра друга опција. Од 25 мај тука можете да вечерате со британската кралица и со други светски познати личности. Големи фотографии од нив „седат“ на масите кои треба да останат празни.
-
Држење дистанца- креативно!
Максималната шапка на Максима
Шапката со широк обод ќе ви помогне да држите дистанца со стил. Каква што е, на пример, оваа шапка на кралицата на Холандија Максима. Иако е пожелно таа да биде уште поголема.
-
Држење дистанца- креативно!
Разреден аудиториум
Драмскиот театар „Берлински Ансанбл“ во германската престолнина се подготвува повторно да ја пречека публиката. Но, сè уште не во целост. За идните настапи одлучија значително да ги „разредат“ редовите со места за гледачите.
-
Држење дистанца- креативно!
Во својот круг
За да не се преполнат одморалиштата во парковите и тревниците, властите во германскиот градХајделберг решија да исцртаат кругови на тревата со креда. Ем безбедно, ем сите спокојни.
-
Држење дистанца- креативно!
Куче со елизабетанска јака
И сопственикот носи маска, и кучето е заштитено со јака, која им е позната на многу љубители на кучиња и пред пандемијата на коронавирусот. Се нарекува ветеринарна или елизабетанска јака или конус. И сопственикот може да носи нешто слично (ако сака!).
-
Држење дистанца- креативно!
Плисирани здолништа
Овие меки здолништа (добро, можеби малку потесни) се носеа во ерата на англиската кралица Елизабета I. Со нив, растојанието е загарантирано!
-
Држење дистанца- креативно!
Држете го клунот на растојание
Ова е маска од познатиот карневал во Келн. Слични се носеле уште во Средниот век. Но, тогаш се верувало оти со нив се заштитувале од чума. Сега - од коронавирусот.
