1. Прескокни до содржината
  2. Прескокни до главната навигација
  3. Кон други страници на DW
DW Interview Anton Hofreiter
Фотографија: Anila Shuka/DW

„Преговорите за проширување на ЕУ мора да започнат“

Анила Шука
11 април 2022

Антон Хофрајтер, претседател на Комитетот на ЕУ во Бундестагот, смета дека проширувањето на ЕУ мора да се забрза. Тој очекува владата во Софија да го тргне ветото.

https://www.dw.com/mk/%D1%85%D0%BE%D1%84%D1%80%D0%B0%D1%98%D1%82%D0%B5%D1%80-%D0%BF%D1%80%D0%B5%D0%B3%D0%BE%D0%B2%D0%BE%D1%80%D0%B8%D1%82%D0%B5-%D0%BD%D0%B0-%D0%B5%D1%83-%D1%81%D0%BE-%D0%B0%D0%BB%D0%B1%D0%B0%D0%BD%D0%B8%D1%98%D0%B0-%D0%B8-%D1%81%D0%B5%D0%B2%D0%B5%D1%80%D0%BD%D0%B0-%D0%BC%D0%B0%D0%BA%D0%B5%D0%B4%D0%BE%D0%BD%D0%B8%D1%98%D0%B0-%D0%BC%D0%BE%D1%80%D0%B0-%D0%B4%D0%B0-%D0%B7%D0%B0%D0%BF%D0%BE%D1%87%D0%BD%D0%B0%D1%82/a-61440511

ДВ: Господине Хофрајтер, неодамна се сретнавте со неколку албански политичари кои побараа од вас поддршка од Германија за почетокот на преговорите за пристапување на Албанија и Северна Македонија во Европската Унија. Како можете да ги убедите скептиците од ЕУ да престанат со блокадите?

Антон Хофрајтер: Во овие тешки времиња, мора да се погрижиме Европската Унија и цела Европа да станат посилни и постабилни. Затоа е важно перспективите за пристапување на Албанија и Северна Македонија да бидат многу, многу јасни. И затоа сакам конечно да започне пристапниот процес, соодветно да се отворат преговорите. Имам големи надежи дека тоа ќе биде можно по изборите во Франција и едноставно мислам дека е потребно. Имам и впечаток дека преку бројни преговори ќе успееме да го зголемиме разбирањето во Европа дека регионот на Западен Балкан и Европа ќе станат постабилни и посилни доколку ги прифатиме Албанија и Северна Македонија во Европската Унија. 

Минатата година, почетокот на пристапните преговори со тие земји пропадна, не поради Франција, туку поради Бугарија и нејзиното вето во случајот со Северна Македонија. Неодамна премиерот на Албанија, Еди Рама, најави дека ќе поднесе барање за раздвојување на почетокот на заедничките пристапни преговори меѓу ЕУ и Албанија и Северна Македонија. Колку е тоа возможно? 

Тоа е можно. Прашањето е колку тоа има смисла. Кога Албанија се оддели на почетокот на преговорите со Црна Гора, тоа не заврши добро. Сега имаме нова влада во Бугарија и јас сум оптимист дека оваа влада ќе успее да го тргне ветото. 

Кои се сега аргументите во прилог на забрзување на процесот на пристапување во ЕУ на Западен Балкан? 

Прво, постои силно проевропско расположение во тие земји. Добро е самите тие земји да продолжат со реформите и да пристапат кон Европската Унија. Второ, со предизвикот за Европската Унија да стане поголема, да прифати повеќе земји, Албанија и Северна Македонија имаат многу да понудат, од возбудливи луѓе до голем регион и огромен потенцијал, на пример кога станува збор за обновливите извори на енергија. Затоа, проширувањето на ЕУ со Западен Балкан е вин-вин ситуација за сите инволвирани. 

Сега Украина е пред вратата на ЕУ. Дали е веројатно Украина, или некоја друга земја со поголем ризик од војна, да биде примена во ЕУ пред земјите од Западен Балкан да добијат кандидатски статус? 

Мислам дека тоа не е веројатно. Но, со оглед на разорната војна против Украина, мораме многу да се грижиме за таа земја и да не ги заборавиме Република Молдавија и Грузија. Предизвиците се едноставно огромни. Сепак, верувам дека тие можат да се надминат ако има единство во ЕУ и ако не мисли само на нејзините сегашни членки, туку и на другите европски земји, а меѓу нив секако се и земјите од Западен Балкан.

Прескокни го блокот Тема на денот

Тема на денот

Членството во Европската политичка заедница не е замена за членството на С.Македонија во ЕУ, во повеќе наврати беше нагласено во Брисел

Прашки самит, европска зима и македонски очекувања

Прескокни го блокот Повеќе теми

Повеќе теми

Врати се на почетната страница