Солзавец и апсења на протестите во Унгарија | Свет | DW | 14.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Солзавец и апсења на протестите во Унгарија

Унгарската полиција употреби солзавец против демонстрантите кои во Будимпешта протестираа против законот за зголемување на прекувремените работни часови. Уапсени се 35 демонстранти.

Илјадници демонстранти во Будимпешта втора вечер по ред демонстрираа против владата на Орбан и законот со кој горната граница за дозволени прекувремени часови се зголемува од 250 на 400 часови годишно. Притоа, дојде до судири со полицијата, која употреби солзавец. Според медиумски извештаи, претходно дел од демонстрантите фрлале со јајца, шишиња и чадни бомби врз полицијата.

Повеќе: Унгарија: Кога сиромаштијата е казнено дело

Весникот близок до владата, „Маѓар Идок“, информира дека биле уапсени 35 демонстранти, меѓу нив и заменичката на лидерот на малата вонпарламентарна либерална партија Моментум, Ана Донат. Таа е ослободена во текот на изминатата ноќ. Полицијата ја уапсила поради тоа што имала чадна бомба, изјави Донат за Клубрадио.

Законот за зголемување на горната граница за прекувремени работни часови беше донесен во средата (12.12.2018). Синдикатите веќе го нарекоа „ропски закон“.

Повеќе: Орбан ја предизвикува ЕУ

Незадоволството е насочено и против целокупната политика на деснонационалистичката влада, меѓу што и против рестриктивниот Закон за високо образование, кој доведе до одлука за иселување на либералниот Централноевропски Универзитет од Унгарија.

DW.COM

Реклама