Смогот не ја задуши смислата за хумор на Кинезите | Панорама | DW | 07.01.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Смогот не ја задуши смислата за хумор на Кинезите

И во новата година, во бројни кинески градови едвај се дише. Граѓаните спас бараат во заштитните маски а мала оддишка наоѓаат на социјалните мрежи.

Социјалните мрежи се преплавени од фотографии и видеа од смогот во Пекинг, каде што и натаму во сила е „портокалово предупредување“ за големо загадување на воздухот. „Портокаловото предупредување“ е аларм од трет степен пред највисокиот „црвен“.

Кина се бори против загадувањето на воздухот, чии главни предизвикувачи се производството на електрична енергија со согорување на јаглен и фабричкото производство, како и големиот број стари и енергетски помалку ефикасни автомобили.

Властите кои беа принудени да реагираат откако во минатиот викенд дури во 25 кинески градови беше објавено „црвено предупредување“, затворија бројни фабрики, училишта и градилишта. Покрај тоа започна и инсталација на прочистувачи на воздух во јавните установи во главниот град. Но, корисниците на социјалните мрежи бараат од властите да сторат повеќе против загадувањето, објавувајќи илјадници коментари, видеа и слики, при што и со хумор се обидуваат да најдат утеха.

Гледај видео 00:53

Социјалните мрежи преплавени од смог

Аудио и видео прилози на оваа тема

Реклама