Скопје заробено од смог и магла | Македонија | DW | 21.11.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Скопје заробено од смог и магла

Почетокот на зимата го врати стариот проблем на Скопје: загадувањето. Жителите на градот денеска се разбудија под дебел облак од смог, чад и магла. Мерните станици покажуваат алармантни концентрации на отровни материи.

Жителите на Скопје утрово се разбудија во облак од смог и магла. Според мерните инструменти, состојбата е алармантна во повеќе населби во градот, а регистрирано е високо присуство на отровните честички ПМ10. Особено погодени се населбите Гази Баба, Аеродром, Ново Лисиче, Центар и Карпош. 

Гледај видео 00:45

Скопје заробено од смог и магла

Концентрацијата на ПМ10 честичките кои се особено опасни по здравјето, во повеќе населби е за повеќе од 10-пати над дозволеното.

Стандардна препорака во вакви ситуации е доколку нема потреба, да не се излегува од домовите. Загадувањето во Македонија годишно предизвикува смрт на најмалку 1.300 луѓе. Причините се повеќеслојни, а драматичниот пораст на загадувањето во Скопје во текот на зимските месеци се должи како на географските услови, така и на засиленото греење во домаќинствата каде неретко освен дрва се користи и отпад и гуми. 

Аудио и видео прилози на оваа тема

Реклама