Северна Македонија одбила „непристоен“ предлог од Бугарија, открива Османи | Северна Македонија | DW | 29.12.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Северна Македонија одбила „непристоен“ предлог од Бугарија, открива Османи

Бугарија лани барала да се потпише дека македонскиот јазик произлегува од бугарскиот, а нацијата произлегла од обидот за ослободување од отоманската империја.

Поранешната министерка за надворешни работи на Бугарија, Екатерина Захариева минатиот декември дала предлог за решавање на недоразбирањата меѓу двете земји, но два члена биле спорни за Северна Македонија, открива шефот на македонската дипломатија, Бујар Османи.

Тој на средба со новинарите рече дека два члена биле спорни од тој договор, во кој се барало да се потпише дека македонскиот јазик произлегува од бугарскиот, а нацијата произлегла од обидот за ослободување од Отоманската империја.

Засега нема идеја за потпишување на нов договор со соседна Бугарија, вели Османи, но додава дека Северна Македонија заслужува да започне преговори во Европската Унија.

„Бараме нешто што е наше и заслужено и сметам дека не треба да оставиме простор за да полека ова прашање влезе во замрзнат конфликт“, вели Османи.Според него, наметнувањето на историјата како критериум за членство во ЕУ беше нерационален пристап и е нерационален пристап којшто не го прифаќа ЕУ сама по себе. 

Надминувањето на разликите со Бугарија ќе биде едно од клучните прашања за Министерството за надворешни работи и во наредната година. Според Османи, фокусот ќе биде ставен на надминување на разликите, започнување на преговорите и на други приоритети. Османи очекува новиот бугарски премиер, Кирил Петков во јануари да ја посети Северна Македонија. 

Во однос на билатералните односи, Османи вели дека во фокусот се односите со Вашингтон како најважен стратешки партнер се во фокусот, наведувајќи оти иницирал процес со САД за имплементација на договор за стратешко партнерство како и создавање совет за стратешко партнерство меѓу Стејт департментот и МНР.

„Германија исто така е во фокусот на билатералата соработка со силна поддршка за евроинтеграциите, а со нив имаме и силна трговска соработка“, вели Османи.

 

 

 

DW.COM