Принцот Филип оди во пензија | Панорама | DW | 04.05.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Принцот Филип оди во пензија

Сопругот на британската кралица Елизабета Втора, со нејзина согласност, решил да се повлече од јавниот живот.

Војводата од Единбург, принцот Филип, сопруг на британската кралица Елизабета Втора, наесен ќе се повлече од сите кралски должности, соопшти Бакингамската палата. Одлуката ја донел сам со поддршка од кралицата.

Принцот Филип ќе наполни 96 години идниот месец, a во 2016 година имаше 110 денови исполнети со обврски. Тој е член, покровител или претседател на повеќе од 780 органзиации и ќе ja продолжи соработката со нив, но „нема повеќе да игра активна улога со исполнувањето на обврските“, соопштија од Бакингемската палата.

Во ноември принцот Филип и кралицата ќе слават 70 години од венчавката. Во последно време постојат бројни шпекулации околу здравствената состојба на принцот Филип. Кралицата, 91-годишната Елизабета Втора пак ќе продолжи со полна програма на своите официјални задолженија, со поддршка од членови од кралското семејство, соопшти Бакингамската палата.

Гледај видео 01:31

Принцот Филип се повлекува од јавноста

 

Аудио и видео прилози на оваа тема

Реклама