1. Прескокни до содржината
  2. Прескокни до главната навигација
  3. Кон други страници на DW
Spanien BG Warum die Deutschen Mallorca so lieben | El Arenal
Фотографија: picture-alliance/dpa/C. Margais
Здравје

Првите „тест-летувалци“ од Германија пристигнаа на Мајорка

СН/агенции
15 јуни 2020

По повеќемесечна пауза поради коронавирусот, авион со германски туристи слета на шпанскиот остров Мајорка.Тие се дел од пилот-проектот со кој се тестираат сигурносните мерки против Ковид-19, кои ќе важат за цела Шпанија.

https://p.dw.com/p/3dmJu

Авионот на германскиот туристички авиопревозник ТУИ Флај, кој со 189 патници беше исполнет до последното место изутрината полета од аеродромот во Диселдорф. „Се радувавме на патувањето на Мајорка . Чекавме пет месеци да можеме да дојдеме и пресреќни сме што тоа се случи“, изјави Георг Касабах, кој живее во близина на Келн за германската новинска агенција ДПА, пред полетувањето.

Интересот на шпанските и на германските медиуми за полетувањето на првите летувалци по цели 92 дена застој беше огромен: околу 100 новинари ја дочекаа првата група туристи од Германија на аеродромот „Сон Сант Жоан“ во Палма де Мајорка.

Spanien BG Warum die Deutschen Mallorca so lieben | Küstenort Port de Sóller
Фотографија: picture-alliance/dpa/J. Tack

Од денеска, најнапред само на туристи од Германија им е дозволено да патуваат на Балеарските острови Мајорка, Ибица, Менорка и Форментера.

Повеќе:

-Коронавирус: Шенген се враќа во живот

-Германија: Од 15 јуни дозволено патување во европските земји

-ЕУ ќе почне да ги отвора надворешните граници од јули

Во првиот контингент се дозволени до 10 900 патници. „Желбата да се патувате до плажите на Медитеранот е голема - првите датуми за патување во рамките на пилот-програмата беа целосно резервирани во рок од 36 часа на почетокот на минатата недела“, рече претставникот на туристичкиот оператор ТУИ, Себастијан Ебел.

Според регионалната власт на Балеарските острови, Германија била избрана затоа што од таму доаѓаат најголем број летувалци во Шпанија и пандемијата во Германија е во еднаква мерка под контрола како и на Балеарските острови. Попладнево, од Франкфурт треба да пристигне и втор авион со германски туристи.

Пилот-проектот има за цел да ги тестира сигурносните мерки против Ковид-19, кои ќе се користат низ цела Шпанија кога земјата на 21-ви јуни ќе ги отвори одморалиштата за масовен туризам од земјите од Шенген-зоната. Поради падот на бројот на инфекции од коронавирусот, шпанската влада туристичко отворање наместо на 1 јули како што првично беше планирано го премести за девет дена порано односно на 21 јуни.

Прескокни го блокот Поврзани теми

Поврзани теми

Прескокни го блокот Тема на денот

Тема на денот

Франк-Валтер Штајнмајер

Штајнмајер: Не го забораваме Западен Балкан

Прескокни го блокот Повеќе теми
Врати се на почетната страница