Потребни се „директни преговори“ со Северна Кореја | Свет | DW | 18.09.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Потребни се „директни преговори“ со Северна Кореја

Германскиот министер за надворешни работи Зигмар Габриел предлага директни разговори со страните во севернокорејскиот конфликт. Урнек: политиката на деескалација во времето на Студената војна.

Шефот на германската дипломатија Зигмар Габриел се заложи за „директни преговори“ со раководството на Северна Кореја. Во конфликтот околу нуклеарната програма на таа земја и ракетните тестови се неопходни „визии и храбри чекори“, по примерот на Конференцијата за безбедност и соработка во Европа (КЕБС) во времето на Студената војна, изјави Габриел за весникот „Билд“.

Ким „не е лудак“

Ким „не е лудак“, туку следи добро смислена стратегија и уверен е дека ако поседува атомска бомба ќе си го обезбеди својот режим, вели Габриел. На севернокорејскиот властодржец, според шефот на германската дипломатија, мора да му се предочи друга безбедносна гаранција: „Тоа е можно само со помош на директни преговори со Северна Кореја. За таа цел на преговарачка маса мора да седнат заедно трите сили: САД, Кина и Русија.“

Зигмар Габриел за време на посетата на Кина на викендот за севернокорејската криза разговараше со високиот кинески дипломат, член на Државниот совет на Кина, Јанг Џиечи. По средбата изјави дека е неопходна двојна стратегија - притисок и дипломатија.

China Besuch vom Außenminister Sigmar Gabriel (picture-alliance/AP Photo/L. Zhang)

Зигмар Габриел и Јанг Џиечи во Пекинг (17.09.2017)

„На санкциите им треба време“

Министерот за надворешни работи пледираше да се има трпение и да се причекаат ефектите од најновите санкции против Пјонгјанг. „На санкциите им е потребно време за да делуваат. Тоа го видовме, на пример, во случајот со Иран.“

По последниот ракетен тест на Северна Кореја, американскиот претседател Доналд Трамп и неговиот јужнокорејски колега Мун Џaе Ин, во телефонски разговор се заложија за заострување на санкциите против Пјонгјанг. Северна Кореја лансираше ракета преку јапонска територија во петокот.

DW.COM

Реклама