Отворен првиот порно-караоке бар во Германија

Ноќниот живот во Хамбург деновиве доби нова „содржина“ со отворањето на првиот бар во Германија посветен на „порно караоке“. Пеењето не е неопходен квалитет во барот кој свечено го отвори германската транссексуална кралица Оливија Џонс.
Наместо пеење, гостите се поканети да излезат на сцената и да стенкаат со звуците на најпознатите сцени од порно филмовите од 1970-те и 1980-те години кои се проектираат во позадината без звук. Во моментов, на гостите им стојат на располагање сцени од околу 30 филмови.
„Позабавно е одошто очекував“, изјави Џонс за весникот Хамбургер Абендблат.
„На почетокот, луѓето се резервирани и не се осмелуваат да пробаат, но во меѓувреме забележавме дека едвај спасуваме жива глава од гостите кои скокаат на сцената“, вели таа.

Загревање

За оние на кои им е потребно загревање пред настапот, барот им нуди „предигра“ во која шоуменот Лекс Дилдо, кој има улога на церемонијал мајстор, стенка во звуците на познати нумери и ги тера гостите да погодат за која песна се работи.
„Не би сакала да издвојувам полови, но нема да верувате колку големи мажи не се во состојба да настапуваат кога ќе се качат на сцената“, вели Џонс.
Таа е една од најпознатите германски транссексуални шоумени и поседува повеќе барови и клубови во квартот Сент Паули во Хамбург каде се наоѓа и познатиот Репербан со своите ноќни клубови, секс-шопови и бордели.
Во 2010 година, Џонс го отвори првиот европски стриптиз бар во кој настапуваа само мажи- а влезот им е дозволен само на жени.