Оле фон Бојст самиот ги доби изборите во Хамбург | Теми на денот | DW | 01.03.2004
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Теми на денот

Оле фон Бојст самиот ги доби изборите во Хамбург

Христијанско-демократската унија влегува со полн сјај во изборната 2004 година. На изборите одржани во Хамбург, градоначалникот и човек на ЦДУ, Оле фон Бојст, на партијата и' донесе дури 21% повеќе гласови во споредба со претходните избори. Партиите на унијата изборите ги завршија со 47,2% гласови на своето конто. Апсолутното мнозинство е резултат, на кој сеуште со неверување гледа и самиот градоначалник, Оле фон Бојст: "Потребно е време за тоа да се преработи. Но, многу сум благодарен и се радувам поради резултатот. " Анализата што ја направи Инфратест-димап, покажува дека 60% од новите избирачи на ЦДУ, гласале за неја само поради Оле фон Бојст, а само 34% поради содржините што им ги нуди ЦДУ. Социјалдемократите касираа значителна загуба. Тие собраа 30,5% од гласовите, или цели 6% помалку во споредба со претходните избори. Томас Миров, врвниот кандидат на СПД за Хамбург, повлекува консеквенца - тој по дебаклот најави дека се повлекува од политиката. "Не ја постигнав целта за што добив мандат од партијата и со тоа за мене политиата во Хамбург завршува." Резултатот во Хамбург е опомена и за СПД во целина. Затоа,пак, коалиционите партнери на сојузни ниво, зелените, се задоволни. Тие забележаа зголемување на бројот на гласови, и овојпат на изборите освоија 12,3 гласови. За врвниот кандидат на зелените, Криста Геч, има тројна причина за радост: "Прво, многу сме среќни поради одличниот резултат. Ние, во двете години опозициона работа, се подобривме и освоивме двоцифрен процент гласови. Тоа е првата радост. Втората радост е паѓањето на господин Шил. Третата радост е тоа што ФДП беше казнета поради нејзината катастрофална школска и предучилишна политика. " Либералите овојпат освоија двапати помалку гласови во споредба со 2001-ва - само 2,8%. Партијата за државноправна офанзива и ПроДМ-Шил партијата, поминаа исто така лошо и не го достигнаа цензусот. Десниот популист, Роналд Шил, кој пред двеиполгодини се искачи со брзина на комета на над 19%, сега исто толку бргу падна на околу 3%. Тој е бесен: "Ако изборниот резултат се потврди, тогаш темата политика за мене е завршена." Шил најавува дека ќе ја напушти земјата и дека ќе се отсели најверојатно во Јужна Америка.
Реклама