1. Прескокни до содржината
  2. Прескокни до главната навигација
  3. Кон други страници на DW
Катастрофи

46 загинати: Македонски автобус се запали во Бугарија

СН/агенции
23 ноември 2021

Тешката сообраќајна несреќа, во која се запали автобус со македонски таблички се случила во текот на ноќта на автопатот „Струма“ во Бугарија. Меѓу загинатите има и 12 деца, а несреќата ја преживеале седум лица.

https://p.dw.com/p/43M8n
Спасувачки екипи на местото на несреќата во близина на селото Боснек во Бугарија
Спасувачки екипи на местото на несреќата во близина на селото Боснек во БугаријаФотографија: Stoyan Nenov/REUTERS

Најмалку 46 лица загинаа  кога  во раните утрински часови автобус со македонски регистерски таблички се запали на автопат во западна Бугарија, соопштија властите во Софија.

Шефот на одделот за противпожарна безбедност и заштита на населението во бугарското МВР, Николај Николов за националната телевизија изјави дека седум лица со изгореници се префрлени со брза помош во болницата Пирогов во Софија. Најмладиот пациент е 17 годишно девојче. Николај Николов најнапред соопшти дека во несреќата загинале 45 луѓе, но бугарското министерството за внатрешни работи подоцна прецизираше дека загинале 46 лица и дека во автобусот имало 53 патници.

Најголем дел од жртвите се од Северна Македонија, соопшти претставник на македонската амбасада во Софија.

Македонската новинска агенција МИА јави дека меѓу загинатите има и 12 малолетници, од кои двајца браќа близнаци.

Автобусот со македонски регистерски таблички се запалил во текот на ноќта на автопатот „Струма“
Автобусот со македонски регистерски таблички се запалил во текот на ноќта на автопатот „Струма“Фотографија: Stoyan Nenov/REUTERS

Автобусот кој сообраќал на релацијата Истанбул-Скопје синоќа околу 21 часот ја преминал турско/бугарската граница на преминот Капетан Андреево.

Бугарските медиуми јавуваат дека несреќата се случила синоќа околу 3 часот на автопатот Софија-Благоевград, кај местото Боснек, на 31 километар од Софија.

Бугарскиот претседател Румен Радев и привремениот премиер Стефан Јанев телефонски разговарале со македонскиот премиер Зоран Заев, кој веднаш заедно со министерот за здравство Венко Филипче и со шефот на дипломатијата Бујар Османи заминаа за Бугарија. 

Причините за запалувањето на македонскиот автобус засега не се познати, но во тек е истрага изјави за новинарите бугарскиот премиер Стефан Јанев од местото на несреќата.

На овој дел од автопатот во 1996 година се случи тешка сообраќајна несреќа во која загинаа 16 лица.