Меркел: Нема оправдување за непријателство кон странците | Свет | DW | 12.09.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Меркел: Нема оправдување за непријателство кон странците

Заедничко европско решение на прашањето на миграцијата е одлучувачко за иднината на ЕУ, оцени денеска во Бундестагот германската канцеларка Ангела Меркел.

Единството или распадот на Европската Унија зависат од тоа како ќе се одговори на прашањето на миграцијата, смета германската канцеларка Ангела Меркел. Во обраќањето пред пратениците во германскиот Бундестаг, таа денеска потенцираше дека и во Германија мора да се постапува решително против силите кои се обидуваат да изолираат одредени групи во општеството.

„Нема да дозволиме цели групи во нашето општество да бидат тивко и неупадливо изолирани. Евреите, муслиманите, исто како и христијаните и атеистите, припаѓаат кон нашето општество, нашите училишта, нашите партии, нашиот општествен живот. Јас сум благодарна за секој поединец кој се ангажира за нашата демократија“, рече Меркел.

Во врска со инцидентите и насилствата во Кемниц и Кетен, канцеларката потенцираше дека не постои оправдување за „хушкање, делумно и употреба на насилство, за нацистички пароли, непријателство кон луѓето кои изгледаат поинаку, кои поседуваат еврејски ресторан, или за напади врз полицајци“.

Меркел нагласи дека мнозинството луѓе во Германија работат на добар и толерантен соживот.

Гледај видео 00:30

„Нема да дозволиме цели групи да бидат тивко изолирани"

DW.COM

Аудио и видео прилози на оваа тема

Реклама