Македонските возачки во Германија пред конечно признавање | Македонија | DW | 16.09.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Македонските возачки во Германија пред конечно признавање

Веста која долго ја очекуваа многу македонски државјани кои живеат и работат во Германија: Во вторник ќе биде потпишана заедничката Декларација за признавање и замена на возачките дозволи. 

Македонското Министерство за внатрешни работи и германското Министерство за сообраќај во вторник конечно ќе го потпишат договорот за меѓусебно признавање и замена на возачките дозволи во двете земји. Договорот би требало да стапи во сила веднаш потоа, што значи дека набрзо ќе можат да се заменуваат македонските возачки дозволи во Германија, и обратно.

Двете земји постигнаа начелен договор за меѓусебно признавање на возачките дозволи уште во февруари годинава, но технички проблем ја одложи финализацијата на договорот. Тогаш и премиерот Зоран Заев вети дека договорот набрзо ќе биде постигнат. 

Гледај видео 01:09
Now live
01:09 минути

Заев: македонските возачки дозволи ќе бидат признаени во Германија


Стапувањето во сила на договорот со олеснување ќе го дочекаат македонските државјани кои имаат постојано живеалиште во Германија, но и оние кои често патуваат во земјата, бидејќи досега правото да управуваат со моторно возило во Германија го имаа само во првите шест месеци од престојот. Потоа, мораа да полагаат одново возачки испит. 
Неколку други земји од регионот, како Србија и Босна и Херцеговина веќе подолго време имаат вакви билатерални договори со Германија и нивните државјани без проблеми можат да управуваат моторни возила во земјата, без ограничувања. 

DW.COM

Аудио и видео прилози на оваа тема