Израел не може да се откаже од Голанската Висорамнина | Свет | DW | 30.03.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Израел не може да се откаже од Голанската Висорамнина

Кога Доналд Трамп ја признава анексијата на Голанската Висорамнина од страна на Израел, само потврдува нешто што одамна е фактичка состојба. Тоа има своја цена, смета Рајнер Херман од Франкфуртер алгемајне цајтунг.

Има добри причини за тоа што Израел не е подготвен да преговара за Голанската Висорамнина: најважната е безбедноста, а исто така важна е и водата од пределот богат со снежни наслаги. Ако се гледа од аспект на меѓународното право, признавањето на израелската анексија на стретешки важната висорамнина може да е спорно. Политички не менува ништо на фактот дека за Израел во никој случај не доаѓа во предвид враќање на Голанската Висорамнина. За Израел тоа подрачје е нешто од што не може да се откаже.

Израел некогаш бил и подготвен на компромиси

Денеска Израел може да се радува на фактот дека индиректните преговори со Сирија за враќање на дел од Голанската Висорамнина кои се воделе пред дваесет години, завршиле без успех. Тогаш израелскиот премиер Ехуд Олмерт бил подготвен на територијални компромиси.

Од војната Јом Кипур од 1973 година ниту една друга граница на Израел не била толку сигурна како таа кон Сирија. Денеска не е така. На сириска страна сега има позиционирано ирански милитанти. Од Газа организацијата Хамас која ужива поддршка од Иран ракетира цели во Израел, а од либанска страна милитантите на Хезболах со нивниот ракетен арсенал се закана за земјата. За Израел е незамисливо да се отвори и трет фронт. Премиерот Бенјамин Нетанјаху не греши кога вели дека Иран би дошол на брегот на Генезаретско Езеро, ако израелската армија не ја одбрани Голанската Висорамнина.

Kommentarbild PROVISORISCH | Rainer Hermann, FAZ & Klett-Cotta (Helmut Fricke)

Рајнер Херман

Сириската армија напаѓаше израелски градови во висорамнината, се додека Израел не го освои платото во шестдневната војна во 1967 година. Шест години подоцна, во војната Јом Кипур на Голанската Висорамнина се одвиваше најголемата тенковска битка во историјата на Блискиот Исток.

Притоа беа поразени сириските 1400 тенкови. Сирија претрпе невиден пораз. Тоа е правило на војната: кој војна почнува и губи мора да смета на тоа дека ќе изгуби територија.

Политичка цена за потегот на Трамп

Голанската висорамнина која беше анектирана во 1981 година придонесува за зголемена безбедност на Израел. Покрај тоа е значајна за снабдувањето на земјата со вода. Водата од изворите кои се наоѓаат таму се влева во Галилејското Езеро, најважниот резервоар на вода на Израел.

Потегот на американскиот претседател има и политичка цена. По преместувањето на американската амбасада од Тел Авив во Ерусалим, на арапските земји од Заливот, кои во изминатите години се приближија со Израел, ова ќе им го отежни поддржувањето на американскиот план за надминување на конфликтот меѓу Израел и Палестинците, што го најави Вашингтон. Затоа крај на конфликтот не може да се предвиди на долг рок.

DW.COM

Реклама