Збогум за маските, ќе се носат само во болници, аптеки и во автобус | Северна Македонија | DW | 12.04.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Збогум за маските, ќе се носат само во болници, аптеки и во автобус

Нема веќе задолжително носење маски во затворени простории. Одлуката не важи за болници, аптеки, јавен превоз, установите за згрижување на стари лица и лица со посебни потреби.

Владата ги усвои новите ковид-мерки со кои се укинува задолжителното носење маски во затворен простор во Северна Македонија. На владина седница во вторникот (12.04) е усвоена и одлуката со која средношколците не се обврзани да носат заштитни маски во училиште. Ваквите одлуки претходно беа препорачани од Комисијата за заштита од заразни болести, а го поминаа и филтерот на Главниот координативен кризен штаб. 

Со одлуката на Владата е предвидено маски да се носат во здравствени домови, аптеки, јавни превозни средства (автобус, воз, авион, такси), установите за згрижување на стари лица и лица со посебни потреби. 

Учениците, пак, во средните училишта можат да следат настава со физичко присуство без задолжително носење заштитни маски. Во иднина ќе можат да се организираат екскурзии и настава во природа во основните и средните училишта и се дозволува работата со физичко присуство на лекарските комисии за утврдување надоместоци за попреченост и комисиите за утврдување право на помош и нега од друго лице. Претходно беа тргнати маските и за учениците во основните училишта. 

Олабавувањето на ковид-мерките е резултат на подобрената епидемиолошка состојба во земјата. 

DW.COM