За една недела повеќе од двојно зголемен бројот на заразени од Ковид | Северна Македонија | DW | 29.06.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

За една недела повеќе од двојно зголемен бројот на заразени од Ковид

Нема зголемување на бројот на хоспитализаци и на смртни случаи, но надлежните апелираат граѓаните да се заштитат, особено во затворени простории, со носење маски.

За една недела бројот на позитивни со Ковид-19 во Северна Македонија е зголемен за 65.8%, констатира Комисијата за разни болести по денешниот состанок, кој се одржа по двомесечна пауза. Причина за загриженост не епидемиолозите е летниот бран   и ширењето на Омикрон, кој зема замав во сите земји во регионот

Комисијата соопшти дека нема зголемување на бројот на хоспитализации (во моментот се хоспитализирани 10 пациенти со Ковид) и нема зголемување на бројот на смртни случаи. „Согласно овие параметри и земајќи го во превид трендот на зголемување на позитивните случаи од Ковид во соседните држави и светот потсетуваме на обврската за задолжително носење маски во здравствените установи, згрижувачките установи, аптеките и јавниот превоз“, велат од Комисијата за заразни болести. 

Symbolbild Impfpass Coronavirus Impfung Spritze

Омикрон зема замав во сите земји од регионот

Препораки за заштита

Надлежните препорачуваат граѓаните да бидат совесни, да го заштитат сопственото и јавното здравје и да користат општите мерки за лична заштитна, а тие се: заштитна маска , одржување растојание и одржување на лична хигиена особено при посета на затворени и невентилирани простории.

„Комисијата за заразни болести внимателно ја следи состојбата и во зависност од промените ќе донесе соодветни препораки“, се додава во соопштението.

Докторот Нико Беќаровски од Клиниката за токсикологија и професор на Медицинскиот факултет смета дека бројот на нови случаи на Ковид-19 ќе се зголемува во наредниот период. 

„Бројките во дневната статистика за Ковид-19 ќе почнат рапидно да растат во следните недели како резултат на доаѓањето на Омикрон-БА 4 и 5 и тоа е лошата вест. Добрата вест е што болниците, сепак, ќе ни останат полупразни“, објави Беќаровски на Фејсбук. Министерството за здравство во средата (29.06) информираше дека за 24 часа има 148 нови случаи на Ковид-19 од 1.261 тестз, од кои 40 реинфекции.

DW.COM