Заразениот со Ковид-19 од Тетово е непознаница за здравствените власти | Северна Македонија | DW | 26.03.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Заразениот со Ковид-19 од Тетово е непознаница за здравствените власти

Нови 24 случаи на заразени од коронавирус се регистрирани во земјава во изминатите 24 часа, информира министерот за здравство Венко Филипче. Од следната недела на терен и мобилни екипи.

Заразен од коронавирус од Тетово кој бил на лечење во Центарот за рехабилитација во Скопје е најголема непознаница за здравствените власти во земјата. Неподвижен 69-годишник две недели престојувал во Центарот, но и во уште две болници, а заразата му била откриена дури откако бил отпуштен од Центарот и префрлен на Инфективна клиника во Тетово. Сега е одново вратен во Скопје, но на Инфективната клиника. Неговото семејство се жали на непрофесионален однос на лекарите во Центарот за рехабилитација.

Министерот за здравство Венко Филипче попладнево соопшти дека се истражува целиот случај, но и прашањето како човекот се заразил со Ковид-19 додека лежел неподвижен во Центарот за рехабилитација. 

- Филипче најави нова терапија за коронавирус- какви се светските искуства? 
„Доколку се покаже дека човекот немал посета од надвор, тоа би можело да биде првото автохтоно жариште. Но, според моите информации, тој сепак примил посета додека бил во болницата“, вели Филипче. Во меѓувреме, се тестираат лекарите и другите во болницата кои контактирале со пациентот, а Филипче им препорачува и на сите останати кои биле во контакт со него да се самоизолираат. 

- Од каде потекнува коронавирусот? Одговори на вашите прашања
Денеска, бројот на заразени од Ковид-19 во земјава се искачи на 201 лице. Регистрирани се нови 24 лица со коронавирус, најголемиот дел- 15 во Скопје, четири во Куманово, двајца во Дебар, и по еден во Охрид, Штип и Тетово. Три лица досега се излекувале од новиот вирус, а три починаа.
Филипче на почетокот на следната недела очекува да пристигнат респиратори од Норвешка, но се уште чека одговор од Кина за помошта која беше најавена уште минатата недела. Ќе пристигнат и 500 илјади заштитни маски и 20 илјади тестови за коронавирус. 

- Коронавирусот и етиката: Кого да спасуваат лекарите? 
Министерот вели дека мерките кои досега се преземаат, вклучително и засилениот полициски час кој ќе влезе во сила од викендов, даваат резултати. Тој објаснува дека ограничувањето на движењето на граѓаните е единствената мерка која се покажала успешна во сите земји зафатени со коронавирусот. 

 

DW.COM

Реклама