Жртви и повредени во автобуска несреќа во Германија | NRS-Import | DW | 03.07.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Жртви и повредени во автобуска несреќа во Германија

По автобуската несреќа на автопатот А9 кај Минхберг во Баварија, полицијата стравува дека настрадале сите 18 патници кои се водеа за исчезнати. Повредени се 30 лица.

Автобусот кратко по седум часот утрово се судрил со камион на автопатот А9 во близина на Минхберг, по што се запалил и целосно изгорел, останат е само јагленосаниот скелет од возилото. Во автобусот се наоѓале 46 патници и двајца возачи. 18 лица, кои се водеа за исчезнати, веројатно загинале во несреќата, соопшти полицијата, а 30 луѓе се повредени, од кои две се во потешка состојба. Туристичката група доаѓала од Саксонија. Експерти од судска медицина во меѓувреме трагаат по остатоците од настраданите патници. Полицијата, надевајќи се сѐуште дека сепак има уште преживеани, неколку часа не го соопштуваше бројот на жртви. „Можно е некој во состојба на шок да се спасил трчајќи“, изјави полициски портпарол. На теренот биле ангажирани околу 200 припадници на службите за итна помош, противпожарникарската служба, полицијата и неколку спасувачки хеликоптери.

Гледај видео 02:29

18 туристи загинати во автобуска несреќа

 

 

Аудио и видео прилози на оваа тема