Договор за клучното прашање во коалиционите преговори во Германија | Свет | DW | 30.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Договор за клучното прашање во коалиционите преговори во Германија

Унијата и СПД постигнаа пробив во коалиционите преговори за централното спорно прашање - спојување на семејствата на бегалците.

Коалиционите преговори за едно од најспорните прашања - спојување на семејствата на бегалците, денеска донесоа договор на партиите на Унијата (ЦДУ и ЦСУ) и СПД. Според информации од преговарачките кругови, спојување на семејствата нема да има до 31 јули, а потоа е предвиден контингент од 1000 лица од семејствата месечно.

Предлог законот со вакво решение би требало да се најде пред пратениците во Бундестагот во четврток. Пробивот е постигнат под временски притисок, поради тоа што актуелното правило за бегалците со ограничен статус на заштита, т.н. лица со право на субсидијарна заштита, истекува на средината од март.

Унијата и СПД уште во текот на т.н. сондирачки разговори постигнаа согласност за месечно ограничување на 1000 лица на бројот на припадници на семејствата на бегалците кои може да дојдат во Германија врз основа на спојување на семејството. СПД најави дека во текот на коалиционите преговори ќе бара воведување пошироко правило за т.н. тешки случаи, кое би требало да им го отвори патот на дополнителен број роднини на бегалците.

Сега, во законот за доселување би требало да има одредба за тешки случаи која ќе ги опфаќа пошироко лицата со супсидијарна заштита. Досега од ваквата одредба профитираа само мал број лица од оваа група: во 2017 година само неколку десетини лица со супсидијарна заштита добиле дозвола за спојување на семејството врз таа основа.

Повеќе:

Парични премии за доброволно заминување од Германија

Факти наместо претпоставки: миграциите во Германија

Унијата и СПД сакаат да ги завршат коалиционите преговори веќе за време на претстојниот викенд. Доколку во тоа не успеат, предвидени се два дена продолжување.

DW.COM

Реклама