Делумна победа на Ѓоковиќ | Свет | DW | 10.01.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Делумна победа на Ѓоковиќ

Тенисерот Новак Ѓоковиќ постигна делумна победа во конфликтот околу неговата виза за учество на турнирот во Австралија.

Судот во Мелбурн денеска донесе одлука во полза на 34-годишниот Новак Ѓоковиќ и нареди ослободување на тениската ѕвезда од мигрантскиот хотел каде што се наоѓа во моментов. Адвокатите на Ѓоковиќ поднесоа жалба поради анулирањето на неговата виза од страна на австралиските гранични власти.

Судијата Ентони Кели во првиот дел од сослушувањето, откако адвокатите на тениската ѕвезда го претставија своето гледање на работите, оцени дека однесувањето на австралиските власти не било соодветно и праша: „Што уште можел да направи овој човек?“

Ваквиот делумен успех пред судот, меѓутоа, не гарантира дека Ѓоковиќсигурно ќе учествува на тенискиот турнир Австралија Опен, кој почнува на 17 јануари. Австралиската влада веќе најави преземање натамошни чекори во случај судот да одлучи во полза на Ѓоковиќ.

Australien Melbourne | Tennisspieler Novak Djokovic im Hotel - Polizeieinheiten vor Gebäude

Полиција пред мигрантскиот хотел во којшто е сместен Ѓоковиќ

Случајот Ѓоковиќ со денови предизвикува огромно внимание на светската јавност. Најдобриот тенисер на светот во Мелбурн допатува во средата (5.01.2022), но визата му беше одбиена и не му беше дозволен влез во Австралија. Ѓоковиќ за Австралија тргнал откако добил документ за медицински исклучок за учество на првиот грен слем турнир сезонава, иако не е вакциниран  против коронавирус. До раните утрински часови беше во изолација на аеродромот, а потоа беше префрлен во хотелски карантин. Тенисерот вложи жалба. Според судските документи, адвокатите на Ѓоковиќ го информирале судот дека тенисерот на 30 декември добил вонредна дозвола за учество на турнирот од страна на медицинскиот шеф на австралискиот тениски сојуз. Таа дозвола му била издадена врз основа на документ со кој се потврдува дека тенисерот на 16 декември 2021-ва бил позитивен на коронавирус, што значи дека ја прележал болеста. Според тенискиот сојуз на Австралија и државата Викторија, прележан коронавирус е доволна причина за исклучок, односно неодамнешна инфекција со коронавирусот е валидна медицинска причина за ослободување од вакцинација.

Serbien Belgrad | Plakat von Novak Djokovic

Билборд во Белград

Вакциналниот статус на Ѓоковиќ е тема која долго е предмет на дебата. Тенисерот долго велеше дека негова приватна работа е дали е вакциниран или не. Од судските документи во Мелбурн сега произлегува дека тој не е вакциниран. Ѓоковиќ на прашање на австралиски граничар одговорил дека „не е вакциниран против Ковид-19“.