Грабар-Китаровиќ низ „иглени уши“ во вториот круг | Свет | DW | 22.12.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Грабар-Китаровиќ низ „иглени уши“ во вториот круг

Кандидатот на социјалдемократите и поранешен премиер Зоран Милановиќ победи во првиот круг на претседателските избори во Хрватска. Во решавачката рунда ќе се пресмета со претседателката Колинда Грабар-Китаровиќ.

Според 99 проценти преброени гласови, актуелната претседателка Грабар-Китаровиќ ќе има шанси да се бори за втор мандат на чело на Хрватска откако заврши на второ место на денешното гласање. Милановиќ освоил 29,5 отсто од преброените гласови, Грабар-Китаровиќ 26,7; додека на трето место заврши независниот кандидати Мирослав Шкоро, популарен пејач кој застапуваше националистички позиции со 24,4 проценти од гласовите.
Вториот круг е закажан за 5 јануари следната година.

Kroatien Präsidentschaftswahlen (imago images/Xinhua)

Социјалдемократот Милановиќ води по првиот круг на претседателските избори


И покрај тоа што на првичното гласање заврши како втора, аналитичарите сметаат дека Грабар-Китаровиќ е фаворит во вториот круг.

„Тешко дека десничарските гласачи на Шкоро ќе го поддржат Милановиќ, па Грабар-Китаровиќ може да смета на поголем круг на потенцијални гласачи во вториот круг“, смета политичкиот аналитичар Давор Ѓенеро.
Освен вториот круг на претседателските избори, Хрватска следната година ја очекуваат и редовни парламентарни избори, веројатно наесен.

 

Реклама