Германија и Велика Британија: Европската шанса на коцка | Теми | DW | 07.08.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Теми

Германија и Велика Британија: Европската шанса на коцка

Германија и Велика Британија ги предупредија Косово и Србија дека со продолжувањето на спорот околу граничните премини си ја загрозуваат перспективата за приближување кон ЕУ.

Првиот дипломат на Германија, Гидо Вестервеле

Првиот дипломат на Германија, Гидо Вестервеле

Во заедничкиот текст за утрешното издание на весникот „Франкфуртер алгемајне цајтунг“ шефовите на дипломатиите, Гидо Вестервеле и Вилијам Хејг, порачуваат дека обете страни, Приштина и Белград, можат да си ги прокоцкаат европските шанси со најновата криза. Решение за спорот треба да се најде по дипломатски пат, апелираат Вестервеле и Хејг. Таквото решение, пак, треба „да ги почитува границите на Косово, да го подобрува животот на сите граѓани и двете држави да ги води кон пристапување кон ЕУ“. „Не ја пропуштајте оваа историска шанса“, порачуваат двајцата први дипломати. ЕУ наесен ќе расправа за односите меѓу Србија и Косово и притоа „во детали ќе разгледува каков напредок оствариле земјите“ во таа насока, се вели во заедничкиот текст на германскиот и на британскиот министер за надворешни работи за понеделничкото издание на „Франкфуртер алгемајне“.

Автор: ГЧ/ЖА/афп

Редактор: Жана Ацеска