Германија: за наставниците компјутери, за учениците евтин интернет | Информации и анализи за Германија | DW | 14.08.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Германија: за наставниците компјутери, за учениците евтин интернет

За полесно справување со последиците од пандемијата на коронавирусот и дигитализација на училишниот процес; училиштата, наставниците и учениците ќе добијат голема финансиска помош од државата.

Планот на германската влада и на покраините е во најбрз рок да се приклучат сите училишта на интернет, наставниците да добијат компјутери, а учениците евтин пристап до интернет од дома. 

„Пандемијата го забрза развојот на формите на дигитално учење“, изјави владиниот портпарол Штефен Зајберт по средбата на канцеларката Меркел, шефицата на СПД Саскиа Ескен и министрите за образование на сојузно и покраинско ниво.
„Заедничка е желбата, во најбрз можен рок сите училишта да се приклучат на интернет, на учениците да им се овозможи евтин интернет во нивните домови, а наставниците да добијат компјутери“. 

- повеќе на темата: На училиште со маска по летните горештини

Иако на состанокот не се утврдени конкретни рокови, планот е дигитализацијата да се изврши во најкусо време. Канцеларката Ангела Меркел и регионални политичари веќе побарале од најголемите телекомуникациски компании да им обезбедат на сите деца интернет за кој месечната сметка не би надминувала 10 евра. Паралелно ќе трае процесот на инсталирање интернет и во училиштата, а сите наставници ќе добијат лаптоп компјутери. 

Трошоците за целиот проект се проценуваат на околу 500 милиони евра.

Властите сакаат по секоја цена да избегнат повторно затворање на училиштата, како што беше случај на почетокот на пандемијата.

 

DW.COM

Реклама