Белорусија: 14 години казнен логор за Виктор Бабарико | Свет | DW | 06.07.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Белорусија: 14 години казнен логор за Виктор Бабарико

Белорускиот опозиционер Виктор Бабарико е осуден на 14 години казнен логор, информираа неговите поддржувачи на Твитер. Бабарико е човекот кој го предизвика Лукашенко пред изборите, по што беше уапсен.

Поддржувачите на 57-годишниот Виктор Бабарикo, поранешен шеф на Белгазпромбанка, според судот во Минск, е виновен за примање мито и за перење пари. Тој, како што соопштија на неговиот Твитер-профил неговите поддржувачи, добил 14 години казнен логор, додека Обвинителството барало казна во траење од 15 години.

Бабарико, кој е најпознатиот противник на белорускиот властодржец Александер Лукашенко, тврди дека е невин. Минатата година Бабарико се кандидираше за претседатеските избори во Белорусија и важеше за најважен предизвикувач на Лукашенко, но беше уапсен на неколку недели пред изборите. Апсењето доведе до зближување на повеќе различни опозициски табори, кои ѝ дадоа поддршка на Светлана Тихановскаја, која во меѓувреме живее во егзил.

Belarus Minsk | Demonstration und Ausschreitungen

Протестите во Белорусија по изборите во август 2020 траеја долго

На изборите во Белорусија во август минатата година, кои беа засенети од обвинувања за големи измами, според Изборната комисија, победи Лукашенко. Во земјата дојде до масовни протести кои траеја долго време, но беа задушени брутално од страна на безбедносните сили. Многу од учесниците на протестите, исто како и важни водечки опозиционери, се во затвор.