Возот ѝ пркоси на поплавата

Континуираниот силен дожд и топењето на снегот во големи делови од Германија предизвикаа надојдување на реките и поплави. По Рајна речиси веќе и да нема бродови, и на реката Мозел која се излеа од коритото со денови е прекинат водниот сообраќај. Во повеќе градови по течението на реките водата навлезе и во подруми и куќи. Но, во Нидерау во покраината Хесен железницата уште не се предава, возовите ќе возат сѐ додека е тоа можно. На фотографијата: воз преминува преку патот и рампите се спуштени, но по патот во близина на Франкфурт секако никој не поминува - тој е целосно под вода.