1. Прескокни до содржината
  2. Прескокни до главната навигација
  3. Кон други страници на DW
ТВ во живо
Најнови видеа
Во фокус
Војна во УкраинаBalkan BoosterИзбори 2024

Фишер во Тајланд

8 јануари 2005

Две недели по поплавите во Југоисточна Азија, бројот на загинати се зголеми на над 150 илјади. Освен тоа, регионот и натаму го потресуваат нови земјотреси. Од вчера, инодензиските сеизмолози регистрираа најмалку 14 земјотреси под Индискиот океан. Работата на хуманитарците е отежната и поради дождовите кои го зафатија најмногу погодениот остров Суматра. Во регионот, овој викенд се генералниот секретар на ОН,

https://p.dw.com/p/AcIK
Фотографија: AP

Кофи Анан и претседателот на Светската банка, Џејмс Волфенсон, кои ветија брза помош за обнова. Таму е и германскиот министер за надворешни работи Јошка Фишер. Тој, во Банкок, разговараше со тајландскиот премиер Таксин Шинаватра и неговиот колега по функција, Суракиарт Сатиратаи.

Со премиерот на Тајланд и министерот за надворешни работи, Јошка Фишер разговараше околу начините за најефикасна помош на настраданите. Во кусата изјава по средбата, министерот Суракиарт Сатиратаи, им се заблагодари на Германците за помошта и изрази сочувство поради Германците кои загинаа во поплавите или кои сеуште се водат како исчезнати.

И Фишер на тајландските политичари им изрази длабоко сочувство поради големиот број загинати и рече дека е благодарен за се што Тајланѓаните кои исто така многу страдаа, направија за германските туристи. Фишер понуди помош во обновата, конкретно во изградбата на систем за предупредување од цунами и обнова на крајбрежјето. Утре Фишер патува во регионот Пукет, а во понеделник има средба со индонезискиот претседател, Сусило Бамбанг Јудхојоно.