Трамп на победнички курс

Во САД се пребројуваат последните гласови од претседателските избори. Во бројни сојузни држави одлуката веќе падна. Републиканскиот кандидат Доналд Трамп се наоѓа во значително водство. Хилари Клинтон успеја да ја намали разликата до Трамп со прогнозираната победа во сојузната држава Невада, една од т.н „свинг“ држави. 

Остануваат да бидат соопштени прогнозите за уште четири сојузни држави, каде трката е докрај неизвесна. Клинтон заостанува во трката во Висконсин и Мичиген, кои традиционално се за Демократската партија, а исходот е целосно неизвесен и во државите Пенсилванија и Њу Хемпшир.

Во изборниот штаб на Трамп во еден хотел во Њујорк, неговите приврзеници со овации јапроследуваа секоја прогнозите за негова победа во одделни сојузни држави.

Кандидатот на Републиканците Доналд Трамп според актуелните прогнози води според бројот на т.н. електорски гласови со 244 спрема 215, колку што има Клинтон. За победа на изборите се потребни 270 гласови од електорите.