Судири во појасот на Газа

Израелското воздухопловство повторно нападна цели во појасот на Газа. Има најмалку петмина загинати Палестинци и исто толку повредени. Двајца Палестинци се убиени во престрелка со израелската полиција во Источен Ерусалим. Хамас ги означи израелските напади како објава на војна и се закани дека тие можат да влијаат врз судбината на израелскиот војник Гилад Шалит, кој веќе речиси една година е заложник на радикални палестинци.