Спречен планиран масакар во училиште во Келн
19 ноември 2007Реклама
18 годишниот ученик од Келн, кој заедно со негов соученик планирале да извршат масакар во гимназија во Келн денеска ќе биде изведен пред истражен судија. Во училиштето денеска нема да се оддржи настава. Професорите ќе оддржат конференција на која ќе се дискутира за натамошните чекори кои треба да се преземат. Двајцата ученици според сознанието на полицијата, во вторник на годишнината од масакрот во училиште во Емсдетен планирале истото да го сторат во гимназијата во Келн. Еден од двајцата во петокот, откако беше сослушан од полицијата се самоуби. Полицијата кај учениците најде оружје и листи со имиња.