Северна Кореја – атомска програма
25 април 2007Реклама
САД побараа од Северна Кореја да го спроведе ветеното ставање крај на нејзината атомска програма. Преговарач на претседателот Буш ваквата порака им ја врачи на северно-корејските дипломати во Обединетите нации во Њујорк. Претседателовиот пратеник притоа изрази разочарување што Северна Кореја го пречекори рокот за запирање на атомскиот реактор во Јонбијон. Северно-корејскиот претставник во Обединетите нации, Ким Мијонг Гил напротив изрази негодување што замрзнатите средства во Макао се уште не се стигнати во Пјонгјанг. Северна Кореја во февруари соопшти дека е подготвена да ја заврши атомската програма во замена за 25 милиони долари кои се замрзнати во една банка во Макао на барање на САД.