Нови протести и нови судири во Грција
18 октомври 2012Во Атина на маргините на мировните демонстрации на десетици илјади луѓе дојде до судири. Околу 200 делумно маскирани демонстрантите гаѓаа со молотови коктели врз полицијата. Полицијата потоа употреби солзавец и шок гаранти за да ги растера предизвикувачите на судирите. Според телевизијата на плоштадот пред парламентот се издигал бел чад.
Во Атина и други градови во Грција денеска десетици илјади граѓани излегоа на улиците за да демонстрираат против новиот пакет за штедење од 13, 5 милијарди евра. Во целата земја министерствата, училиштата и голем број други државни институции останаа затворени. Лекарите ги третираа само итните случаи. Од штрајкот се погодени и авионскиот, бродскиот и железничкиот сообраќај.
Новиот грчки пакет за штедење веќе бил усвоен се вели од владини кругови и од кругови на меѓународните донатори. Синдикатите очекуваат натамошни кратења на платите меѓу шест и 20 проценти.