جمعیت خشمگین به ساختمان دولتی در ولایت دورافتاده تاجیکستان یورش بردند | منطقه | DW | 26.11.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
آگهی

منطقه

جمعیت خشمگین به ساختمان دولتی در ولایت دورافتاده تاجیکستان یورش بردند

جمعیتی از معترضان خشمگین به یک ساختمان دولتی در ولایت گورنو-بدخشان تاجیکستان در مرز با افغانستان یورش بردند و دست کم دو معترض کشته و پنج تن از مقامات زخمی شدند. این اعتراض پس از زخمی شدن یکی از باشندگان محلی آغاز شد.

نیروهای نظامی تاجیکستان در مرز با افغانستان

نیروهای نظامی تاجیکستان در مرز با افغانستان

اعتراض خشونت بار ناوقت روز پنجشنبه پس از آن آغاز شد که نیروهای امنیتی تاجیکستان یک مرد محلی را که به اتهام ربودن یک مقام تحت تعقیب بود، در عملیاتی زخمی کردند.

به گفته مقامات و یک منبع امنیتی به خبرگزاری رویترز، سپس گروهی از مردم معترض به ساختماتی دولتی در شهر خاروغ مرکز این ولایت حمله کردند.

سرویس امنیتی تاجیکستان در بیانیه ای گفته که جمعیتی مسلح با اسلحه گرم، سنگ و سایر سلاح های دست ساز، سه افسر امنیت دولتی، یک پولیس و یک کارمند دفتر سارنوالی را زخمی کردند.

یک منبع امنیتی به رویترز گفت که نیروهای امنیتی برای متوقف کردن معترضان دست به شلیک زدند و دو معترض را کشتند. وی افزود که اعتراضات روز جمعه نیز ادامه یافت، اما فعلا اوضاع تحت کنترول است.

رژه نظامی تاجیکستان در ولایت بدخشان تاجیکستان در مرز با افغانستان

رژه نظامی تاجیکستان در ولایت بدخشان تاجیکستان در مرز با افغانستان

مرتبط: ازبکستان و قزاقستان در مرز با افغانستان مانور نظامی برگزار کردند

ولایت دور افتاده گرونو-بدخشان هم مرز با افغانستان است و از نظر قومی و مذهبی با دیگر مناطق این کشور فارسی زبان متفاوت است.

در دهه ۱۹۹۰ نیز این ولایت تلاش کرد که از تاجیکستان جدا شود و تنش قومی هنوز هم در سیاست محلی این منطقه نقش بارزی دارد.

اعتراضات در این کشور ۹.۵ میلیون نفری که به شدت تحت نظارت حکومت اند، به ندرت اتفاق می افتند.

رپیس جمهور تاجیکستان گفته که طالبان را در افغانستان به عنوان حکومت به رسمیت نمی شناسد.

رپیس جمهور تاجیکستان گفته که طالبان را در افغانستان به عنوان حکومت به رسمیت نمی شناسد.

مرتبط:  اتحادیه اروپا از همسایه‌های شمالی افغانستان خواست مانع «استفاده سیاسی» از مهاجران گردند

وضع در ولایت های هم مرز این کشور با افغانستان از زمان تسلط طالبان بر کابل متشنج شده است؛ زیرا امامعلی رحمان رئیس جمهور تاجیکستان از به رسمیت شناختن رژیم طالبان در افغانستان خودداری کرده است.

مرتبط:  آمادگی تاجیکستان به همکاری در انتقال کمک‌های بشردوستانه به افغانستان

rsh/af (Reuters)

ویدیو را ببینید 02:17

رزمایش مشترک روسیه و تاجیکستان در مرز با افغانستان