የውሃ እጥረት የጠናባት ደቡብ አፍሪካ

ደቡብ አፍሪካ ከገጠማት ድርቅ በኋላ ጁሐንስበርግ እና ፕሪቶሪያን በመሳሰሉ ከተሞች ውሐ በራሽን ማደል ጀምራለች። ሌሎች የክፍለ አኅጉሩ አገሮችም ድርቅ ያሳስባቸው ይዟል።

በፕሪቶሪያ ነዋሪዎች ለውሐ እጥረት የዳረጋቸውን ድርቅ ለመመከት እርምጃ የመውሰጃው ጊዜ አሁን ነው የሚል ዕምነት አላቸው። በጉዳዩ አሳሳቢነት የሚስማሙት የደቡብ አፍሪካ የውሐ እና የቤቶች አገልግሎት ምኒስትር ሊንድዌ ሲሱሉ መፍትሔ ለማፈላለግ መንግሥታቸው ከፍተኛ ትኩረት እንደሰጠ አረጋግጠዋል።

ደቡብ አፍሪካውያን በግ ከሚያረቡባቸው አካባቢዎች አንዱ የሆነው ካሮ የተባለ ቦታ በውሐ እጥረት ከተጠቁ አንዱ ነው። በዚህ ምክንያት በአካባቢው የሚረቡ በጎች ቁጥር በከፍተኛ ሁኔታ ቀንሷል። በጎች በውሐ ጥም ለሞት በመዳረጋቸው በገበሬዎች ዘንድ ሥጋት አይሏል። በዛሬው የትኩረት በአፍሪካ መሰናዶ ይልማ ኃይለ ሚካኤል በደቡብ አፍሪካ የተከሰተውን የውሐ እጥረት እና አልበሽር ገለል ካሉ በኋላ ደቡብ ሱዳን እና ሱዳን በጀመሩት አዲስ ግንኙነት ላይ ያተኩራል።

ይልማ ኃይለሚካኤል

እሸቴ በቀለ