የዋሊያዎቹ የመጨረሻ ጭላንጭል ተስፋ

የኢትዮጵያ ብሔራዊ የእግር ኳስ ቡድን ትናንት ከካሜሩን ጋር ባደረገው ግጥሚያ ሁለተኛ ሽንፈቱን አስተናግዷል። በተለይ የመጀመሪያው አጋማሽ ላይ ድንቅ ጨዋታ ያሳዩት ዋሊያዎቹ በካሜሩን 4 ለ1 ነው የተሸነፉት። ሦስተኛ ጥሩ ቡድን ወደ ቀጣዩ ዙር የማለፍ ዕድል አለው፤ ዋሊያዎቹ በርካታ የግብ እዳ አለባቸው። 

የኢትዮጵያ ብሔራዊ የእግር ኳስ ቡድን ትናንት በካሜሩን መሸነፉ ለአፍሪቃ ዋንጫ ቀጣይ ዙር የነበረውን ዕድል እጅግ አጠበበ። ምንም እንኳን እጅግ ውብ ጨዋታ ቢያሳይም የኢትዮጵያ ብሔራዎ የእግር ኳስ ቡድን ትናንት ለአፍሪቃ ዋንጫ የዙር ውድድር ባደረገው ሁለተኛ ግጥሚያ በአዘጋጇ ካሜሩን ቡድን 4 ለ1 ተሸንፏል። የካሜሩን ቡድን በርካታ ተጨዋቾች በተለያዩ ታላላቅ የአውሮጳ ሊግ ቡድኖች ውስጥ የሚጫወቱ ታዋቂ ተጨዋቾች ናቸው። ቀጣዩ ግጥሚያ ከሌላኛዋ የምድቡ ብርቱ ፎካካሪ ቡርኪና ፋሶ ጋር ነው። ስለትናንቱ ጨዋታ እና ስለዋሊያዎቹ የመጨረሻ ተስፋ የሶከር ኢትዮጵያ ድረ ገጽ አዘጋጅ ሚካኤል ለገሰ ከዶይቸ ቬለ ጋር ቃለ መጠይቅ አድርጓል።  

ማንተጋፍቶት ስለሺ

ሸዋዬ ለገሠ