የኢትዮጵያ ኦርቶዶክስ ተዋህዶ ቤ/ክርስትያን ጥሪ 

የኢትዮጵያ ኦርቶዶክስ ተዋህዶ ቤተ ክርስትያን ከዛሬ ጥቅምት 13፣ 2012 ዓ.ም ጀምሮ ለ ሶስት ቀናት  የሚዘልቅ የጸሎትና ምህላ መንፈሳዊ አዋጅ አወጀች።ቤተ ክርስትያኗ ያለ ሃገር ሰላምና አንድነት እንዲሁም ፍቅርና እድገት መኖር ስለማይችል መላው ህዝብ እንደየእምነቱና ሃይማኖቱ ስርአት ከዛሬ ጀምሮ ለ ሶስት ቀናት ያህል በጾም ፣በጸሎትና በሃዘን ስለ ሃገር ሰላም በአንድነት ጥሪውን ለፈጣሪውና ለአምላኩ ያደርስ ዘንድ ጥሪ አቅርባለች ። መንፈሳዊ አዋጁንም አውጃለች። የቤተክርስትያኗ ቅዱስ ሲኖዶስ ምልአተ ጉባኤ ባስተላለፈው የሰላም ጥሪ በሃገሪቱ በተለያዩ አካባቢዎች በልዩ ልዩ ምክንያቶች ብሄርና ሀይማኖትን እንዲሁም ቋንቋን መሰረት ያደረገ መጠነ ሰፊ ግጭቶች በመከሰታቸው የሰው ህይወት መጥፋቱን በርካታ ንብረት መውደሙን አስታውሷል።ችግሩ እጅግ አሳሳቢ ከመሆኑም በላይ ጊዜ የማይሰጥ መሆኑን ገልጾ ሁሉም ኢትዮጵያዊያ በአንድነትና በህብረት ከባድ ጉዳት የሚያስከትለው ያለውን ይህን ችግሩን እንዲያስወግድ ጠይቋል።መግለጫውን የተከታተለው የአዲስ አበባው ዘጋቢያችን ዝርዝሩን አዘጋጅቷል።

ሰሎሞን ሙጬ 

ኂሩት መለሰ
ተስፋለም ወልደየስ