የኢትዮጵያ እስልምና ጉዳዮች ጠቅላይ ምክር ቤት መግለጫ

ሕዝብ ሙስሊሙ የኢድ በዓል ሲያከብር በመተባበርና በሰላም መሆን እንደሚገባው የኢትዮጵያ እስልምና ጉዳዮች ጠቅላይ ምክር ቤት አሳሰበ። አንድ ሺህ አራት መቶ አርባ ሁለተኛውን የኢድ አል-ፈጥር በዓል አከባበር እና ሃይማኖታዊ አንድምታውን በማስመልከት የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ተቀዳሚ ሃጂ ሙፍቲ ዑመር እድሪስ ዛሬ ለመገናኛ ብዙሃን በሰጡት መግለጫ ለህዝበ ሙስሊሙ የእንኳን አደረሳችሁ መልእክት አስተላልፈዋል። ሃጂ ሙፍቲ በዘንድሮ በዓል ሕዝበ ሙስሊሙ የሚጠበቅበትን አንድነትና ሰላማዊ ተግባራቱን እንዲያጠናክር ጠይቀዋል። ኢትዮጵያ አሁን የምትገኝበት ሁኔታ ፈተኛ መሆኑንም በመጠቆም፤ ፈተናውን ከውስጥም ከውጭም አንድነት በመፍጠር በመተባበር ዜጎች እንዲፈቱት ጥሪ አቅርበዋል። በዓሉ ሐሙስ እንደሚከበር ዛሬ ከመስቀል አደባባይ መነገሩን የአዲስ አበባው ወኪላችን ሥዩም ጌቱ ከስፍራው ዘግቧል።
ሥዩም ጌቱ 

ማንተጋፍቶት ስለሺ

ኂሩት መለሰ