የኢንተርኔት አገልግሎት መቆራረጥ መንስኤ

 የፊክስድ ብሮድ ናንድ አገልግሎቱ  ከሰኔ 18  ጀምሮ  መለቀቁን  የገለጸው  ኩባንያው  የስልክ  ኢንተርኔት  በአሁኑ  ጊዜ በመላ  ሀገሪቱ  ተለቋል  ብሏል። ዶይቼ ቬለ ባደረገው ማጣራት ግን አሁንም  የስልክ ኢንተርኔት  የማይሠራባቸው የሀገሪቱ  ክፍሎች  መኖራቸውን  ለማወቅ  ተችሏል። ኩባንያው በበኩሉ እንዲህ  ያለው  ችግር  እንዳይደጋገም  ምን ይበጃል  የሚለውን  በመለየት የመፍትሄ  እያፈላለገ መሆኑን ይናገራል። ያነጋገርናቸው ግለሰብ እንዳሉት ከሆነ ግን ችግሩ መነሻው መንግስት ነጻ የሆኑና ሃቀኛ መገናኛ ብዙሃን መፍጠር ባለመቻሉ ሰው ትኩረቱን ማህበራዊ መገናኛዎች ላይ በማድረጉ የመጣ በመሆኑ ሊያስብበት ይገባል ብለዋል። የተጠቃሚዎችን አስተያየት በማካተት ከአዲስ አበባ ሰሎሞን ሙጬ ዝርዝር ዘገባ ልኮልናል።

ሰሎሞን ሙጬ

ሸዋዬ ለገሰ

ኂሩት መለሰ