የአጣዬ ግጭት ያስከተለው ጉዳት
ሐሙስ፣ መጋቢት 16 2013
ማስታወቂያ
በአማራ ክልል የኦሮሞ ብሔረሰብ ልዩ ዞን እና በክልሉ የሰሜን ሸዋ ዞን አስተዳደሮች አዋሳኝ አካባቢ ባለፈው ሳምንት ማገባደጃ የተቀሰቀሰው ግጭት አሁን ላይ ወደ አንጻራዊ ሰላም መመለሱን የሁለቱ ዞን አስተዳደሮች ገለፁ፡፡
አስተዳዳሪዎቹ ለዶይቼ ቬለ እንዳረጋገጡትም ከትናንት ጀምሮ የኩስ ድምጾች በእጅጉ ቀንሰው ተስተውሏል፤ አንጻራዊ ሰላም በመስፈኑም ህብረተሰቡ ወደ ኑሮ እንቅስቃሴው በከፊል ተመልሷል፡፡
ይሁንና በግጭቱ የደረሰው ጉዳት ከፍተኛ በመሆኑ በሁለት ወረዳዎች አስር ገደማ ቀበሌያት የተፈናቀሉ ዜጎች አስከፊ በተባለ ሁኔታ ላይ ናቸው ተብሏል፡፡
አካባቢውን በማረጋጋት የግጭቱ መነሻ እና በሰው ህይወትና ንብረት ላይ የደረሰውን ውድመት የሚያጣራ የፌዴራሉ መንግስት የፀጥታ እና መርማሪ ቡድን ስራውን መጀመሩም በአስተዳዳሪዎቹ ተነግሯል፡፡
አስተያየታቸውን ለዶይቼ ቬለ ያጋሩት የወሎ ኦሮሞ አባገዳ አህመድ መሃመድ ዑመር የተጣራ ባሉት መረጃቸው በግጭቱ የ60 ሰዎች ህይወት ሲቀጠፍ ከ100 በላይ ቆስለዋል፤ ከ200 ቤቶች የሚልቀው ደግሞ በእሳት ጋይተዋል፡፡
ስዩም ጌቱ
ነጋሽ መሐመድ