የአዉሮጳ ሕብረት ጦርና ሊቢያ

የአዉሮጳ ሕብረት በሊቢያ ላይ የተጣለዉን ዓለም አቀፍ የጦር መሳሪያ ሽያጭ ዕገዳ እንዲቆጣጠር ያዘመተዉ የባሕር ኃይል ጦር ካለፈዉ ሳምንት ጀምሮ ምስራቃዊ ሜድትራኒያን ባሕር ላይ ሠፍሯል።ጠቅላይ ዕዙን ሮም-ኢጣሊያ ያደረገዉ ጦር ወደ ሊቢያ የሚገባ ጦር መሳሪያንና ከሊቢያ በሕገ-ወጥ መንገድ የሚወጣ ነዳጅ ዘይትን ባየር፣በባሕርና በሳተላይት እየተከታተለ ይይዛል።የሊቢያ ተፋላሚ ኃይላትና ደጋፊዎቻቸዉ መንግስታት ሐብታሚቱን ሐገር የሚያወድመዉን ጦርነት ለማቆም በተደጋጋሚ ቃል ቢገቡም እስካሁን ቃላቸዉን አላከበሩም።ዓለም ሙሉ ትኩረቱን የኮረና ተሕዋሲን ስርጭት በመከላከሉ ላይ ባደረገበት ባሁኑ ወቅት፣ የሊቢያ ተፋላሚ ኃይላትና አስታጣቂዎቻቸዉ ዉጊያዉን ያባብሱታል የሚል ስጋት አለ።

ገበያዉ ንጉሴ 

ነጋሽ መሐመድ

አዜብ ታደሰ