የኖቤል ሽልማት ለዐቢይ አህመድ

 በሀገር ውስጥ በማካሄድ ላይ የሚገኙ ጠቃሚ ባላቸው ማሻሻያዎችም ጠቅላይ ሚኒስትሩን አወድሷል። ሽልማቱን ይፋ ያደረጉት የኖቤል ተቋሙ ሊቀመንበር በሪት ራይስ አንደርሰን አንዳንዶች ምናልባት ሽልማቱ እጅግ ፈጠነ ሊሉ ቢችሉም ጠቅላይ ሚኒስትር ዐቢይ ጥረት እውቅና እና ማበረታቻ ይገባል ነው ያሉት። ጠቅላይ ሚኒስትር ዐቢይ ለዚህ ሽልማት በመብቃታቸው የግብፅን ጨምሮ የተለያዩ ሃገራት መንግሥታት የእንኳን ደስ ያልዎች መልእክት እየላኩ መሆኑን ዘገባዎች ያሳያሉ። የሰሜን አትላንቲክ የጦር ቃል ኪዳን ዋና ፀሐፊ የን ሽቶልተንበርግ የጎርጎሪዮሳዊው 2019 ዓ,ም የሰላም ኖቤል ተሸላሚው ዐቢይ አህመድ በትዕግስት፣ በድፍረት እና ሰዎችን በማሳመን ሰላምን ለማምጣት እንደሚቻል ማሳየት» ችለዋል ብለዋቸዋል። የኖርዌይ የስደተኞች ጉዳይ ዋና ፀሐፊ «ዐቢይ አሁን ቀዳሚ ሥራቸው በሀገራቸው ውስጥ በጎሳቸዎች መካከል የሚታየውን ውጥረት መፍታት መሆን እንደሚገባት» አሳስበዋል። የጠቅላይ ሚኒስትር ዐቢይን የሰላም ኖቤል መሸለም አስመልክተን የኢትዮጵያን የፖለቲካ ሁኔታ በቅርበት የሚከታተሉ ወገኖችን  አነጋግረናል። አቶ ክቡር ገና የኢኒሼቲቭ አፍሪቃ ዳይሬክተር ናቸው። ሌላው ይህንኑ ጉዳይ በማንሳት ያነጋገርኳቸው በኢትዮጵያ ፖለቲካ በንቃት የሚሳተፉት አቶ ግርማ ሰይፉ ይህን ዜና የሰማሁት ብቻዬን አልነበረም ነው ያሉኝ።

ሸዋዬ ለገሠ

ማንተጋፍቶት ስለሺ