የታላቁ ህዳሴ ግድብ ግንባታ ውዝግብ

ኢትዮጵያ ከግዛቷ የሚነሳውን የአባይን ውኃ ለኃይል ማመንጫነት ለመጠቀም በጀመረችው የታላቁ ህዳሴ ግድብ ግንባታ ላይ ሥጋት ካሳደረባቸው ከሱዳን እና ግብጽ ጋር የምታደርገው ውይይት እንደቀጠለ ነው። ሦስቱ ሃገራት ሲያካሂዱ የቆዩት ንግግር አሜሪካን እና የዓለም ባንክንም በታዛቢነት ከጨመረ ወዲህ ዓለም ዓቀፍ ትኩረት ስቧል።ከዚያን ወዲህ በጉዳዩ ላይ በውኃ ሚኒስትሮች ደረጃ በካይሮ በካርቱም እና በአዲስ አበባ የተካሄዱት 4 ንግግሮች ያለ ስምምነት ነበር የተጠናቀቁት።የሦስቱ ሃገራት የውጭ ጉዳይ እና የውኃ ሚኒስትሮች በዚህ ሳምንት በዋሽንግተን ያካሄዱት ውይይት ግን በመግባባት መጠናቀቁን ሦስቱ ሃገራትና ታዛቢዎቹ በጋራ ባወጡት መግለጫ አስታውቀዋል።በዚህ ውይይት ሦስቱም ወገኖች በግድቡ ውኃ ሙሌት እና የሥራ አካሄድ (Operation) ላይ አጠቃላይ፣ አግባቢ ተግባራዊ የሚሆን ዘላቂ እና የጋራ ተጠቃሚ የሚያደርግ ከተባለ ስምምነት ላይ ለመድረስ  ቃል መግባታቸውም ተገልጿል።በዚሁ መሠረት በመጨረሻው ስምምነት ላይ ተወያይተው ለማጽደቅ ጥር 18 እና ጥር 19 2012 ዓም ዋሽንግተን ውስጥ እንደገና ለመሰብሰብ መስማማታቸውም በመግለጫው ተጠቅሷል።የዛሬው እንወያይ በታላቁ ህዳሴ ግድብ ግንባታ አወዛጋቢ ጉዳዮች እና መፍትሄያቸው ላይ ያተኩራል በዚህ ርዕስ ላይ የሚወያዩ ሦስት እንግዶችን ጋብዘናል።ዶክርተር ያዕቆብ አርሳኖ በአዲስ አበባ ዩኒቨርሲቲ የፖለቲካል ሣይንስ እና ዓለም አቀፍ ግንኙነት ትምህርት ክፍል መምሕር እና የውኃ ፖለቲካ(የኃይድሮ ፖለቲክስ ተመራማሪ ዶክተር ሰሙ ሞገስ በዩናይትድ ስቴትስ ከኔቲከት ዩኒቨርስቲ adjunct ፕሮፌሰር ወይም ተባባሪ መምህር የውሐ መሀንዲስና አጠቃቀም ምሁር እና አማካሪ እንዲሁም ዶክተር ጌታቸው በጋሻው በአሜሪካን ቺካጎ ሀፐር ኮሌጅ የኤኮኖሚ መምህር ናቸው።ሙሉውን ውይይት ለማዳመጥ ከታች የሚገኘውን የድምፅ ማዕቀፍ ይጫኑ

ኂሩት መለሰ