የቤንሻንጉል ብልጽግና ፓርቲ ወቀሳ 

በቤንሻንጉል ጉሙዝ ክልል የፀጥታ ችግሮችን ለመፍታት የጋራ ጥረት እየተደረገ ቢሆንም ሰሞኑን የአማራ ክልላዊ መንግሥት በማኅበራዊ መገናኛ ብዙሀን የራሳችንን እርምጃዎች እንወስዳለን የሚሉ ዛቻና ማስፈራሪዎች ተገቢ አይደሉም ሲል የክልሉ የብልጽግና ፓርቲ ወቀሰ።የክልሉ ብልጽግና ፓርቲ ጽህፈት ቤት ሃላፊ ፣ ችግሮቹ በዛቻና በማስፈራሪያ ሳይሆን በመነጋገርና በመቀራረብ ሊፈቱ ይገባል ሲሉ ለዶቼቬለ ተናግረዋል። የአማራ ክልል የፀጥታ ኃይል ድጋፍ ካስፈለገም በሁለቱ ክልሎች ፍላጎትና በፌደራል መንግሥት ፈቃድ በመነጋገር ሊሆን እንደሚገባም ሃላፊው አሳስበዋል።የአሶሳው ወኪላችን ነጋሳ ደሳለኝ ተጨማሪ ዘገባ አዘጋጅቷል።
ነጋሳ ደሳለኝ
ኂሩት መለሰ
እሸቴ በቀለ